| 尋日跟一個朋友去打波, 佢地全部都係 似乎係外國長大既中國人, 係 Christian.
咁當我放低個袋個時, 突然有個人衝埋黎, 問我, "is it your things?"
咁我都唔知咩事, 原來係下面有 D 倒"寫"左既類似西柚汁既液體, 佢好好咁幫我拎開左個袋, AND THEN, 仲主動地去 washroom 找來 tissue 去清理返 "唔屬於" 佢既野, 最後問左場地叔叔找來一塊毛巾清理.
我諗, 唔知呢個係香港人既問題呀, 定係非教徒既關係, 我見過既人大多數咪只係會拎走自己個袋, PAT 野由得佢係度 LOR, "又唔關我事, 清理左佢我有咩著數先" 咁既心態.
好好, 其實我一直以黎既想法就只係咁 JE.....
比如話, 我 D 親朋, 如果要搭的士成日都 call "八折的"....我個人其實係反對去坐"八折的"
呢個唔係對於自己有冇著數既問題, 係點解大家要幫助做一 D 唔合理既事?
無錯的確係冇人知, 咁又點? 自己唔可以做好 D? 人地出貓得到 99 同你自己努力得到 99 都唔同咁話啦, 結果唔係一定最重要, 點解大家唔可以有時企係人地既角度去考慮一件事?
無錯, 係呢個 case, 的確係冇人 better off , 的士唔減價, 我要俾貴 D, 我可能唔搭, 佢冇生意. 但係呢個唔係只應該從經濟角度去考慮既問題...........
無錯, 睇完之後你的確會認為我係好 on 居, 老實, 不過我唔覺得有咩問題 lor, 小便宜呢 d 我唔係唔貪, 買二送一既我都鍾意啦, 但係唔會係"坐八折的"
又例如話我今日見到個十多歲既"o靚仔" 周街吐口水/啖, 喂其實你搵張紙巾包住都唔係好難 je, 比著你係清理果個你會點諗呀? 只係係咁而換下人地既角度去諗 je......如果可以唔使次次都從自己既利益出發, 呢個社會會好好多. 不過要人做到唔計較, 冇所謂, 好難.........
可能有信仰的朋友都有一種感恩既思想, 所以對每樣享用到既野都有珍惜既心態, 佢地係會懂得去 appreciate 別人做既野, 如果係咁, 我都想從佢地身上學到感恩的思想.
|
